Корејскиот интернационалец Сон Хеунг-мин ја игра можеби последната сезона во дресот на Тотенхем и можно е по 10 години да го напушти не само Лондон туку и Англија.
Договорот на Сон со Тотенхем истекува налето и тој веќе може да преговара со други клубови, а воопшто нема никакви најави дека клубот од Лондон ќе му понуди продолжување на договорот.
Интерес за Сон има од Галатасарај, па нема да биде изненадување доколку Кореецот пристигне крај Босфор, и тоа како замена за Виктор Осимен, кому ќе му заврши позајмицата и ќе биде продаден.
Сепак, за Сон има интерес и од Манчестер јунајтед, па нема да биде изненадување и доколку го замени дресот на Тотенхем со оној на Црвените ѓаволи.
