Репрезентативецот на Јужна Кореја, Сон Јун-Хо, по 318 дена конечно е ослободен од затворот во којшто се наоѓаше во Кина и се врати во татковината во тешка здравствена состојба. Тој настапи за својата репрезентација на Светското првенство во Катар, а по враќањето во неговиот клуб Шандонг, беше уапсен од кинеските власти под сомнеж за примање мито.
Судско-обвинителскиот систем во Кина не успеа да докаже ништо, дури не беше покренато ниту обвинение против него, но речиси една година беше држен во затвор, што на крајот се покажа како неправедно.
