Бодрумспор ја извојува третата победа во последните четири кола, па сега тимот за кој од крајот на јануари игра Енис Барди, веќе не е во опасната зона на табелата, иако и понатаму им претстои жестока битка за опстанок.
Денешниот триумф од 1-0 на гости кај Аланијаспор е многу значаен, затоа што и тимот од градот каде е познатото летувалиште, се бори за опстанок. Сега Бодрум има два бода повеќе од 17-то пласираниот Аланијаспор.
Капитенот на македонската репрезнтација беше асистент при голот во 81-ва минута. Барди одлично нафрли од корнер, а Али Ајтемур даде убав гол со глава кој донесе голема радост за гостите.
