Кошаркарската репрезентација на Македонија по втор пат во претквалификациите, убедливо ја совлада Норвешка и го освои првото место во групата Д кое носи пласман во главните квалификации за Европското првенство 2025 година.
Избраниците на селекторот Александар Јончевски, сами си ги решија дилемите, во последното коло мораше да победат против Норвешка, и тоа го сторија на убедлив начин, со 38 поени разлика (41:79).
Кошаркарите победата ја најавија уште на стартот, брзо дојдоа до двоцифрена предност (6:16) и првата четвртина ја добија со 12 поени разлика (12:24). До крајот на средбата, предноста постојано се зголемуваше, на полувреме беше 19 поени (25:45), по три четвртини беше 36:61, и на крајот победата беше изразена со 38 поени разлика.
Најдобар беше Ти-Џеј Шортс со 22 поени, 6 скока и 5 асистенции, капитенот Војдан Стојановски постигна 16 поени, додека Магдевски и Масллинко дадоа по 9 поени.
