Кошаркарите минаа како ракометарите и одлучија да ја завршат предвреме сезоната 2019/20 поради пандемијата со ковид-19 и без да се прогласи шампион.
Управниот одбор на МКФ со убедливо мнозинство на гласови одлучи кошарка да нема веќе за оваа сезона, а ќе нема ниту шампион, ниту испаѓање од Првата лига.
Две екипи од Втората лига ќе бидат промовирани во нови прволигаши и следната сезона во најквалитетното кошаркарско натпреварување кај нас ќе се игра со проширен формат.
Против оваа одлука во изминатиов период беше МЗТ Скопје, кој е лидер на табелата до прекинот, а се биеше голема битка, што на крај ја загубија Металците.
Вчера и Ракометната федерација на Македонија одлучи да се прекине домашниот шампионат без да има првак, а беа одредени екипите што ќе играат во еврокуповите.
