Еден од поинтересните мечеви кои вечерва се играат во Ц сегментот од Лигата на нации е тој во Приштина меѓу Косово и Грција. Грчката експедиција вчера пристигна во Косово, а во близина на хотелот каде што се сместени беа пречекани со провокативен транспарент.
„Овојпат Троја нема да биде поразена“, пишуваше на транспарентот закачен покрај патот.
Што значи овој транспарент? Во античко време на просторите на денешно Косово се наоѓало Кралството на Дарданија, па Косоварите потенцираат дека тие нема да завршат како што завршила Троја во тоа време од пред многу години.
