Диего Коста, напаѓачот на Атлетико Мадрид, ќе мора да паузира до крајот на овој месец поради повреда на бутниот мускул на левата нога. Бразилецот со шпански пасош се здоби со повредата во триумфот против Јувентус од пред неколку дена.
Коста на тој меч влезе во второто полувреме, но мораше да го напушти теренот пред последниот свиреж. Денешните детални медицински прегледи ја потврдија повредата, по што на голгетерот на Јорганџиите му е препорачан посебен третман за побрзо да закрепне.
Коста дефинитивно ќе го пропушти стартот на сезоната во шпанското првенство, а проблемите со повредите продолжуваат и во оваа сезона, откако во минатата дури шестпати беше аут поради здравствени проблеми. Атлетико во првото коло на домашен терен го пречекува тимот на Хетафе (недела, 18:30ч), а на 25 август е закажано гостувањето кај Леганес во рамките од второто коло.
