Дека цените на фудбалерите многу скокнаа во последните години е факт, а многу фудбалски трансфери летово само потврдуваат дека „нешто не е во ред“. Не е реално еден Жоао Феликс да биде поскап од Кристијано Роналдо или Матео Ковачиќ од Лука Модриќ, но ситуацијата е таква и паѓаат национални рекорди.
Преминот на Матео Ковачиќ од Реал Мадрид во Челзи за 50 милиони евра е убедливо најбогатиот трансфер на еден хрватски фудбалер во историјата. Ковачиќ кој има 25 години, и досега го држеше хрватскиот рекорд со 31 милиони за колку што прејде од Интер во Реал. За споредба, официјално најдобриот светски фудбалер за минатата година, Лука Модриќ во 2012 година од Тотенхем се пресели во Реал за 30 милиони.
Се чека официјализација на преселбата на Жоао Феликс од Бенфика во Атлетико Мадрид за 126 милиони евра. Тоа е четврти најголем трансфер во историјата на фудбалот, а Феликс има само 19 години и не е докажан на врвно ниво. Мега талентот не е спорен, но овој млад играч со огромен потенцијал е поскап од најдобриот португалски фудбалер на сите времиња, Кристијано Роналдо. Нема дилеми дека Роналдо е далеку поквалитетен и покомплетен играч, но тука улога играат и годините, па за тогаш 33-годишниот Роналдо минатото се платија „само“ околу 100 милиони евра.
Лука Јовиќ за 60 милиони од Ајнтрахт прејде во Реал Мадрид и тоа е српски рекорд. Јовиќ е млад, и можеби не е ни најдобриот српски фудбалер во моментов, но неговата цена е повисока од било која друга што е платена за некој Србин.
