Фудбалска Европа го доби првиот шампион за оваа сезона. Глазгов Ренџерс со убедливите 3-0 против Сент Мирен ја потврди 55-тата шампионска титула во шкотското првенство која ја освои по една деценија пауза.
На шест кола до крајот на шампионатот, Ренџерите на Стивен Џерард ја завршија работата откако освоија недостижни 88 поени во 32 натпревари во однос на второпласираниот Селтик кој има 67 бода и натпревар помалку.
Кент и Морелос од 14-тата до 16-тата минута на двапати ја насамарија противничката одбрана за експресно водство од 2-0, а конечниот резултат го постави Хаџи на стартот од второто полувреме.
