Мохамед Салах ќе си замине од Ливерпул на крајот од сезонава, потврдија од англискиот клуб. Со ова се става крај на деветгодишната соработка меѓу еден од најдобрите напаѓачи на денешницата и еден од најдобрите клубови во светот. Двете страни постигнале договор за крај на соработката, а Салах инсистирал што е можно поскоро тоа да биде јавно познато за да осигури целосна транспарентност.
Салах дојде во Рома во летото 2017 година и за брзо време се промовира како еден од главните игачи на овој тим, а сега, по девет одиграни сезони, ќе си замине како вистинска легенда. Со Салах во составот Ливерпул се радуваше на две титули во Премиер лигата, а ги освојуваше и пехарите во Лигата на шампионите, Светско клупско првенство, УЕФА Суперкупот, ФА купот, двапати Лига купот и трофејот во Комјунити шилд.
Mohamed Salah is to bring the curtain down on his illustrious career with Liverpool Football Club at the end of the 2025-26 season.
The time to fully celebrate his legacy and achievements will follow later in the year when he bids farewell to Anfield ❤️
— Liverpool FC (@LFC) March 24, 2026
Салах вкупно досега одигра 435 меча за Ливерпул и постигна 255 гола, што е доволно да биде на третото место на вечната листа на најдобри стрелци. Покрај многуте личи признанија, тој четирипати ја осојуваше и Златната копачка во Премиер лигата наменета за најдобриот стрелец во сезоната.
„Здраво на сите. За жал, дојде денот. Ова е првиот дел од моето збогување. Го напуштам Ливерпул на крајот од сезоната. Би сакал да почнам со тоа што ќе кажам колку овој клуб, навивачите и градот станаа дел од мојот живот. Ливерпул не е само фудбалски клуб. Тоа е страст, дух, историја… нешто што зборовите не можат да го опишат. Славевме победи и трофеи, но исто така заедно поминавме низ тешки времиња. Никогаш не е лесно да се замине бидејќи тука се чувствував најдобро во мојот живот. Овој клуб секогаш ќе биде втор дом за мене и за моето семејство. Ви благодарам на сите бидејќи поради вас никогаш нема да одам сам“, рече Салах.
