Ерата на Саул Њигес во Атлетико Мадрид ќе заврши летово. Фудбалерот кој 17 години мина во дресот на „јорганџиите“ го раскина договорот и кариерата ќе ја продолжи во турското првенство, во екипата на Трабзонспор.
Њигес во Атлетико пристигна на 14-годишна возраст од академијата на градскиот ривал Реал Мадрид. За време на престојот во Атлетико беше испраќан на позајмици во Рајо Ваљекано, Челзи и Севиља, а за „јорганџиите“ настапи на 427 натпревари.
30-годишниот фудбалер во дресот на Атлетико Мадрид освои по еден трофеј од Ла Лига, Купот на кралот, шпанскиот Супер куп, европскиот Супер куп, но и два трофеи од Лигата на Европа.
