Една многу добра, и една не толку добра вест за најдобриот македонски тенисер Томислав Јотовски, по прегледот кај познат доктор кој зад себе има големо искуство и бил на повеќе олимписки игри со руските спортисти.
Добрата вест е дека 28-годишниот Јотовски нема да мора да оди на операција на повреденото рамо, а лошата е дека до крајот на годинава нема да може да игра. Сепак, ова е многу поповолен развој на настаните во споредба со таа ако требаше да биде опериран.
На прегледот во Москва, на Јотовски му било кажано дека што нема пукната коска или скршеница, нема никаква потреба од хируршки зафат.
Сега Томи во наредните три седмици ќе прима по една инјекција неделно, а потоа следува рехабилитација од околу еден месец, за да зајакне мускулот. Ова значи дека Јотовски на тениските терени ќе може да се врати за два месеца.
