Лидерот на кошаркарската Евролига, Реал Мадрид, ја продолжи својата победничка серија, но многу тешко славеше на гости против Монако, дури после 50 минути активна игра. Реал победи со 90-84 (во регуларниот дел беше 66-66).
Монако беше поблиску до победата во регуларниот дел и првото продолжение, а кога не успеа, следуваше казна.
За разлика од тој меч, во Атина немаше неизвесност, Панатинаикос лесно ја победи Басконија со 75-63, и тоа гостите го ублажија поразот во последната четвртина која ја добија со 31-18. За ПАО ова е само петта победа сезонава, и останаа претпоследни на табелата.