НБА-лигата им овозможи на кошаркарите да бираат еден од 29-те слогани, односно пораки кои ќе може да ги носат на дресовите наместо презимињата, но Леброн Џејмс нема да го стори тоа.
Иако Кралот ја поддржува иницијативата и протестите за социјална рамноправност во САД, одлучи да го задржи презимето, па на дресот ќе стои „Џејмс“ кога првенството ќе продолжи на 31 јули.
„Луѓето и без тоа ја знаат мојата мисија и за што се залагам. Сметам дека е одлично што голем број играчи посегнаа по слоганите, но ги поддржувам и оние кои не се одлучија да го менуваат презимето на дресот“, порача Џејмс.
Дел од 29-те слогани се Black Lives Matter (црните животи се важни), Freedom (слобода), I Can’t Breathe (не можам да дишам), Peace (мир), Justice (правда)…
