Кралската серија на Реал Мадрид продолжува со нова победа, 12. по ред во Евролигата, откако вечерва гостите од Мадрид беа подобри од Лион Вилербан и славеа со 87:77.
Реал Мадрид го реши мечот со ефикасна игра во првото полувреме што го доби со 52:37, а разликата умешно ја чуваше и во продолжението на мечот.
Треј Томпкинс беше незадржлив за одбраната на францускиот тим и со 20 поени и шест скока беше најдобар поединец на мечот. Веднаш до него е Џордан Мики со 18 поени и 7 скока. Ист број на поени имаше и Руди Фернандес.
Кај домаќините Чарлс Кауди беше најефикасен со 18 поени, а Едриен Пејн постигна 11.
.@facucampazzo throws it up to a place only @waltertavares22 can get to ↗️↗️🔥#7DAYSMagicMoment pic.twitter.com/fcuIlgVMF5
— Turkish Airlines EuroLeague (@EuroLeague) January 3, 2020
Со новиот триумф кралевите повторно се израмнија со Анадолу Ефес на врвот на табелата по 17 кола. Двете екипи имаат по 14 победи и три порази.
Во последните дуели вечерва Валенсија ја победи Алба со 91:79, а Армани Милано беше подобар од Зенит и славеше со 73:72.