Фудбалерите на Кристал палас ќе имаат нова можност да го освојат првиот трофеј во историјата на клубот, откако во полуфиналето на ФА купот ја совладаа Астон вила со 3-0 и по третпат ќе играат во големото финале.
Клубот од Јужен Лондон е формиран во 1905 година, но никогаш нема освоено значаен трофеј во англискиот фудбал, а претходно двапати губеше во финалињата на ФА купот, во 1990 и 2016 година
Пласманот во финалето на Кристал палас му го донесоа Еберечи Езе во 31-вата и Исмаила Сар со головите во 58-мата и 94-тата минута.
