Кристијано Роналдо во разговор со Рио Фердинанд на „Јутјуб“ рече дека кога би бирал помеѓу Карим Бензема и Килијан Мбапе, би го избрал Мбапе и покрај тоа што долго време споделуваше славен период во соблекувалната на Реал Мадрид со Бензема.
Сега Роналдо и Бензема се ривали во Саудиска Арабија, а на Карим не му се допадна одговорот на Кристијано.
Французинот на својот инстаграм-профил објави фотографија од својата Златна топка, и тоа на пулт, како да е некој кујнски инструмент. Бензема во 2022 година ја освои Златната топка. Мбапе засега ниту еднаш не бил прогласен за најдобар фудбалер во светот.
