Кристијано Роналдо го немаше во јавноста да го каже својот став после елиминацијата на Јувентус од Лигата на шампионите, а на негова адреса беа искажани критики и тоа не само од навивачи, туку и од аналитичари и легенди на Јуве.
Јуве 26 години не бил европски првак, веруваа дека со Кристијано ќе успеат, но засега не им оди. Од вчера почнаа гласини дека можно е Роналдо да си оди и да се врати во Реал Мадрид.
Конечно и самиот фудбалер испрати порака, и тоа преку неговиот профил на Инстаграм кој го следат многу милиони луѓе.
„Поважно од бројот на падови кои сте ги имале во животот, е колку брзо и колку силен ќе се вратите на нозе. Вистинските шампиони никогаш не се откажуваат. Нашиот фокус е кон мечот со Калјари, кон борба во Серија А, кон финалето на купот на Италија и сите работи кои може да ги освоиме сезонава. Вистина е дека минатото им припаѓа на музеите, но за среќа, фудбалот има меморија, а и јас имам! Историјата не може да биде избришана. Таа се пишува со секојдневна работа, упорност и тимски дух. Сите кои не го разбираат ова, никогаш нема да постигнат слава и успех“ – порача Роналдо.
