Кристијано Роналдо утре би требало да постави нов светски рекорд по бројот на настапи на еден играч за фудбалска репрезентација.
Ако утре одигра и барем една минута на средбата со Лихтенштајн, за Роналдо тоа ќе биде 197-ми настап за Португалија. Ниту еден друг фудбалер во историјата немал толку настапи за националниот тим.
Во моментов, Роналдо го дели првото место со Бадр Ал-Мутава од Кувајт, а утре би требало Португалецот сам да избие на прво место на вечната листа.
Кристијано своето деби за А тимот на својата земја го имаше пред 20 години, на пријателски меч против Казахстан, кога влезе во игра на местото на Луиш Фиго.
