Кристијано Роналдо со интервјуто за „Сан“ го размрда фудбалскиот свет, особено во Англија, каде што не очекуваа такви напади кон неговиот клуб Манчестер јунајтед, а вечерва Португалецот се огласи и преку социјалните мрежи.
„Целосен и апсолутен фокус на работата со националната селекција. Тимот е обединет, сите имаме една иста цел: да го реализираме сонот на сите Португалци“, порача Роналдо.
Оваа објава потврдува дека на Роналдо не му е грижа за реакциите и паричната казна која му ја одреди клубот за изјавите во интервјуто во кое ги нападна тренерот, некои од сегашните и поранешните соиграчи. За многумина, Роналдо веќе никогаш нема да заигра за Црвените ѓаволи, а по Светското првенство ќе се види со кој клуб има постигнато договор, тешко дека би останал до крајот на сезоната во Манчестер.
