На „Јохан Кројф“ арената во Амстердам, беше откриена статуа со ликот на Кројф и тоа како тој во улога на тренер им дава совети на фудбалерите на терен.
Статуата е на средина на еден од балконите на стадионот на кој како домаќин игра Ајакс, а изработена е по повод 78-годишнината од раѓањето на најдобриот холандски фудбалер на сите времиња.
„Бронзената скулптура е трајно потсетување на визијата, посветеноста и огромниот придонес на Кројф во фудбалот, и како играч и како тренер“, се вели на веб-страницата на Ајакс.
Кројф почина од рак на белите дробови на 24-ти март 2016 година, а од сезоната 2018/19, стадионот на Ајакс го носи неговото име: Арена Јохан Кројф.
