Финалето од Лигата на шампионите во Лондон беше последниот натпревар во клупската кариера на Тони Крос. Германецот оди во пензија како вистинска легенда на Реал Мадрид, но многумина се прашуваа кој ќе ја носи сега осумката на Крос во Реал Мадрид.
Самиот фудбалер тоа го откри на прославата во Мадрид, кога пред сите кажа: „Бројот осум сега е слободен. Мене ми е задоволство да му го дадам бројот осум на ова момче, Валверде, и сигурен сум дека го заслужува“. Навивачите на Реал Мадрид во тој момент почнаа да скандираат „Феде, Феде“ во чест на Уругваецот, кој е новата осумка на Кралскиот клуб.
Toni Kroos is giving his number 8 shirt to Federico Valverde! 🥲🤍 pic.twitter.com/pLhOd4qfbE
— TC (@totalcristiano) June 2, 2024
Валверде во изјава за клупската телевизија на Реал Мадрид изјави дека во моментот кога Крос кажал дека токму тој ќе ја добие легендарната осумка, започнале да му се тресат нозете.
„Благодарен сум на времето кое го поминав со Тони, беше неверојатно“, додаде Уругваецот.
Fede Valverde will inherit Toni Kroos' No. 8 jersey at Real Madrid next season 🤝8️⃣ pic.twitter.com/0KCTfm1izm
— B/R Football (@brfootball) June 2, 2024
