Наполи ја прифатил понудата од 75 милиони евра од Пари Сен Жермен за Калиду Кулибали и Сенегалецот од следната сезона ќе игра за францускиот првак.
Долго трае сагата со стоперот на италијанскиот вицешампион и во убавите времиња кога Кулибали играше во топ-форма Наполитанците одбија понуда од 100 милиони евра од Манчестер јунајтед.
Сега ќе мора да се задоволат со една четвртина помалку, а Наполи првично имаше истакнато цена од 120 милиони евра за одличниот сенегалски репрезентативец.
Кулибали има 28 години и долг период играше одлично за Наполи. Црномурестиот стопер пристигна во Неапол во 2014 година од белгиски Генк, а во кариерата има играно уште и за Мец од Франција.
