Роналд Куман пристигна во Барселона и вечерва чека промоција како нов тренер на Каталонците, кои ќе мора да ѝ платат отштета од 4-5 милиони евра на Холандија.
Куман го напушти кормилото на холандската репрезентација за да биде тренер на Барселона и ќе мора да се плати парична сума пред да се стави потпис на договорот.
Роналд играше за Барселона од 1989 до 1995 година, во генерацијата во која беше една од ѕвездите на тимот што еднаш го освои и пехарот во Купот на европските шампиони во сезоната 1991/92.
Четирипати беше и првак на Шпанија со каталонскиот гигант, а вкупно со Барса освои 10 трофеи. Интересно е што и тренерската кариера ја почна на сличен начин, како што му се движи патот и сега.
Почна како помошник-селектор на Холандија, а потоа му беше помошник на Луис ван Хал во Барселона од 1998 до 2000 година.
