Роналд Куман очигледно сака предизвици, но не беше доволно упорен за да го задржи Луис Суарес на „Камп Ноу“. Сега вели дека токму Уругваецот требало да биде поупорен и да не се откажува така лесно од Барселона.
„Суарес требаше да биде поупорен и да остане во Барселона, за да ми покаже дека грешам. Тоа е вистински предизвик, што Луис не го прифати“, е чудното објаснување на Куман.
Холанѓанецот и особено раководството на клубот воопшто не сторија ништо за да го задржат Суарес, кој беше еден од најдобрите играчи на клубот во минатите шест години.
За таква варијанта беше и капитенот и иконата на Барселона, Лионел Меси, но за малку и тој ќе настрадеше и ќе си заминеше.
Суарес бесплатно се пресели во Атлетико Мадрид, откако со Барса одвои 4 шампионски круни во шпанската Ла Лига и еднаш заедно со екипата се искачи и на врвот на Европа, освојувајќи го трофејот во Лигата на шампионите.
За Каталонците одигра над 200 натпревари и постигна повеќе од 150 голови сметајќи ги и пријателските мечеви.
