Роналд Куман има тешка задача да ја врати Барселона на шампионските патеки, а покрај тоа што треба да најде победнички рецепт и да се ослободи од вишокот играчи, мора да ја поврати и дисциплината во тимот.
Токму поради тоа, холандскиот стратег посегна по правило кое во минатото го одреди Пеп Гвардиола. Имено, фудбалерите мора да се појават во тренинг-центарот еден час пред да почне тренингот.
Валверде и Сетјен, претходните тренери на Барселона, отстапија од ова правило, што е една од причините за влошувањето на дисциплината во екипата.
