Екипата на Куманово и по вторпат го совлада Работнички во дуелите за трето место во македонското кошаркарско првенство, што значи дека кумановци имаат право да се пријават во АБА 2 лигата, додека Работнички останува без место во регионалното второлигашко јадранско друштво.
Куманово со 2-0 во победи дојде до трето место. Денеска во празната сала „Перо Наков“, тимот на Марин Докузовски беше подобар од екс клубот на Докузовски со 81-62.
