Турција ја совлада Шпанија со 71-67 во дуелот за првото место во група И во рамкитке од квалификациите за Светското првенство 2019 година. Ова беше седма победа во низа за турската репрезентација, па со тоа го освоија 16-от бод во квалификациите, израмнувајќи се на врвот со нивниот денешен противник.
Ерден со дабл-дабл учинок од 16 поени и 14 скока ги предводеше домаќините, додека кај поразените се истакна Бризуела со 18 поени.
Во истата група, Црна Гора беше подобра од Летонија со конечни 84-75, додека европскиот шампион Словенија претрпе дебакл од Украина со 82-54.
Италија се избори за седмиот триумф во квалификациите, совладувајќи ја Литванија со конечни 70-65, а претходно Полска со убедливи 105-78 против Холандија стигна до 14 бода.
Хрватска ја совлада Унгарија со 74-69, па „коцкестите“ во последниот меч против лидерот Литванија од групата Ј ќе се обидат да го обезбедат своето место на светскиот кошаркарски собир.
