Кошаркарите на Оклахома сити тандер го совладаа тимот на Лос Анџелес лејкерс со убедливи 123-87.
Иако на прв поглед резултатот изгледа неверојатно, работите стануваат појасни кога ќе се знае дека Лејкерси настапија без петмина играчи кои во просек заедно постигнуваат речиси 100 поени — Лука Дончиќ, Леброн Џејмс, Остин Ривс, Маркус Смарт и Џексон Хејс.
Во нивно отсуство, Лејкерс ги предводеше Руи Хачимура со 15 поени, додека по 11 поени постигнаа Дру Тим и Ник Смит.
Во редовите на Оклахома, Шеј Гилџес-Александер постигна 25 поени со осум асистенции, додека Чет Холмгрен оствари „дабл-дабл“ со 15 поени и 10 скокa.
Бостон селтикс го совлада Шарлот хорнетс со 113-102. Тимот до победата го предводеше Џејлен Браун со 35 поени, додека на спротивната страна Ламело Бол постигна 36 поени.
Резултати НБА: Вашингтон – Чикаго 98-129, Индијана – Минесота 104-124, Бруклин – Милвоки 96-90, Торонто – Мајами 121-95, Њу Орлеанс – Јута 156-137, Голден sтејт – Сакраменто 110-105, ЛА клиперс – Далас 116-103.
