Барселона минимално со 1:0 го победи Рајо Валјекано во меч од 24-тото коло на шпанската Примера дивисион. Роберт Левандовски го постигна единствениот гол, и тоа од пенал, но овој меч е посебен за тинејџерот Ламин Јамал.
Најдобриот млад фудбалер во светот го одигра јубилејниот 100-ти натпревар во сениорскиот фудбал. Јамал има само 17 години и 219 дена, а веќе има одиграно 82 меча во дресот на Барселона и има 18 натпревари во репрезентативниот дрес на Шпанија.
Јамал има и одличен учинок од 21 гол и 28 асистенции, биланс кој е многу подобар, на пример, од Лионел Меси што имал постигнато пред да стане полнолетен. Талентираниот тинејџер со Барселона се радувал на титулата во 2023 година, а пред еден месец го освои и Суперкупот на Шпанија. Во репрезентативниот дрес на Црвената фурија се радуваше на титулата на Европското првенство, кое минатото лето се играше во Германија.
100 – Lamine Yamal will play his 100th career game: 82 games for Barcelona and 17 for the Spanish national team (21 goals and 28 assists in his 99 appearances), and he is not yet 18 (17 years and 219 days today). Centenary. pic.twitter.com/BwAe3VMJlu
— OptaJose (@OptaJose) February 17, 2025
