Франк Лампард беше еден од најдобрите англиски фудбалери во неговата генерација, но како тренер не се афирмираше во посакуваниот правец. Откако во 2016 година ја заврши играчката кариера, Лампард влезе во тренерските води. Неговиот прв предизвик беше Дерби каунти, клуб во кој ја помина сезоната 2018/19.
Потоа Лампард доби шанса да биде на клупата на Челзи, клубот во кој се прослави и стана англиска легенда. од 2019 до 2021 година беше на клупата на тимот од „Стемфорд бриџ“, за да откако си замина, добие покана од Евертон.
Од 2024 година, Лампард е на чело на Ковентри во Чемпионшип во Англија, но сега се најавува негово можно враќање во Премиер лигата. Со Ковентри има две победи и две нерешени во првите четири кола, а англиските медиуми веќе најавуваат дека Лампард може да седне на клупата на Вест хем.
Вест хем е лондонски клуб во кој Лампард ја започна играчката кариера и таму помина шест години, пред да направи трансфер во Челзи. Грем Потер е на клупата на Вест хем, а сезоната ја започна со два порази и само еден пораз, па Чеканите моментално се на 16 место на табелата. Токму затоа се шпекулира дека Потер може да добие отказ, а негов можен наследник е Лампард.
🚨 West Ham have contacted Frank Lampard over potentially replacing Graham Potter.
The Coventry manager would be keen to test himself back in the Premier League.
(Source: Football Insider) pic.twitter.com/vzeGhpC6HV
— Transfer News Live (@DeadlineDayLive) September 6, 2025
