Челзи тргнува со гостување кај Брајтон на 14 септември, во првото коло од новата сезона во Премиер лигата, а менаџерот Френк Лампард веднаш се соочува со проблеми. Предводникот на Сините не ќе може да смета на три од петте засилувања кои летово пристигнаа на „Стемфорд бриџ“.
Бекот Бен Чилвел и офанзивецот Хаким Зијех се повредени, додека Тијаго Силва дури денес го заврши одморот и пристигна во Лондон, па ќе му треба време да се врати во натпреварувачки погон.
Што се однесува за Вернер и Хаверц, германското дуо би требало да ја почувствува магијата на Премиер лигата. Во меѓувреме, Челзи е на прагот да го обезбеди потписот на Едуард Менди, голманот на Рен, за околу 25 милиони евра.
