Френк Лампард, поранешниот менаџер на Челзи, ја шокира фудбалската јавност со откритието дека се обидувал да го доведе Џуд Белингам додека го водел лондонскиот клуб, но управата го одбила неговиот предлог.
Лампард меѓу 2019 и 2021 година го предводеше Челзи во период кој беше обележан со реконструкција на тимот и воведување млади играчи. Токму затоа сметал дека Белингам е идеално засилување за клубот.
Англичанецот во разговор за „The Obi One Podcast“ откри дека бил „очаен“ да ја донесе тогашната тинејџерска сензација. Според неговите зборови, бил убеден дека Белингам е играч со светски потенцијал.
Во тоа време, Џуд Белингам играше за Бирмингам и веќе го привлекуваше вниманието на бројни европски гиганти. Лампард го препознал неговиот талент многу пред тој да потпише за Борусија Дортмунд.
Сепак, кога ја пренел својата желба до клупското раководство, наишол на ѕид. Како што вели, не успеал да ја протурка идејата за доведување на младиот играч од средниот ред. Овој детаљ особено ги изненади навивачите на Челзи.
🚨 Frank Lampard has revealed he asked Chelsea to sign Jude Bellingham between 2019 and 2021, but they refused:
— Transfer News Live (@DeadlineDayLive) November 25, 2025
🗣️ “When I was managing Chelsea (between 2019 and 2021) I was desperate to bring Bellingham in. But I couldn’t get it through upstairs. They rejected the idea of… pic.twitter.com/4bWvEOi7FE
Според зборовите на Лампард, клучната причина за одбивањето била цената. Иако Бирмингам барал околу 20 милиони фунти, управата сметала дека тоа е преголем ризик за играч на негови години.
Лампард истакна дека се обидел да ги убеди луѓето во клубот дека станува збор за генерациски талент, но без успех. Вели дека управата едноставно не верувала дека инвестицијата е исплатлива.
Одлуката на Челзи да го одбие Белингам сега изгледа како едно од најголемите промашувања на клупската политика во последните неколку години, особено ако се земе предвид како се развиваше неговата кариера.
Недолго потоа, Белингам премина во Борусија Дортмунд, каде што „експлодира“ и стана еден од најбараните играчи во светот. Неговиот развој само потврдува колку Лампард бил во право.
Белингам денес е клучен играч на Реал Мадрид и на репрезентацијата на Англија и важи за еден од најдобрите играчи од средниот ред на неговата генерација. Неговата вредност порасна до ниво за кое Челзи тогаш не можел ни да сонува.
