Ковентри сити конечно стави крај на долгото чекање и по цели 25 години се врати во Премиер лигата, заверувајќи го својот пласман четири кола пред крајот на сезоната.
Тимот предводен од Френк Лампард денеска одигра без голови (0-0) против Шефилд венсдеј, но и покрај ремито, резултатите на конкурентите му донесоа сигурна промоција. Клучен беше поразот на Мидлзборо од Портсмут, по што стана јасно дека Ковентри е недостижен.
Со тоа, останува само уште да се дознаат последните два патника во елитата. Ипсвич моментно е на позиција која носи директна промоција, додека зад нив следуваат Милвол, Мидлзборо, Саутемптон и Хал сити во трката за плејоф.
Теоретски шанси сè уште имаат и Рексам и Дерби Каунти.
