Френк Лампард наскоро би требало да биде промовиран во нов тренер на премиерлигашот Евертон. Иако како кандидати за наследници на Рафаел Бенитес се спомнуваа Витор Переира, Вејн Руни и Данкан Фергусон, сепак во прв план избива Лампард.
Лампард минатата зима си замина од Челзи и од тогаш е без работа, чекаше понуда по негов вкус и конечно ја доби. Карамелите се на 16-то место во Премиерлигата, од 6 декември немаат победа, и ги чека битка за опстанок.
Според британските медиуми, ако Лампард стане тренер на Евертон, во следните два-три дена, до крајот на зимскиот преоден рок, членови на клубот од Ливерпул треба да станат Деле Али, Рубен Лофтус-Чик и Рос Баркли.