Сезоната во Формула 1 заврши, а титулата кај возачите ја освои Ландо Норис. Сепак, британскиот возач не беше најголем профитер кога станува збор за заработката. Топ 10 возачи според приходот, покажува изненадувачки резултати и големо влијание на бонусите.
Сезоната во Формула 1 заврши минатиот викенд, Ландо Норис ја освои својата прва шампионска титула, а сега се познати и заработките на сите возачи за оваа година.
Секако, Луис Хамилтон беше најплатениот возач во Формула 1 во 2025 година, а Ферари му исплати импресивни 70 милиони долари во текот на овaa катастрофална сезона за нив.
Сепак, платата не е сѐ. Макс Ферстапен, чија основна плата во Ред Бул изнесуваше 65 милиони долари, вкупно заработи повеќе благодарение на големиот бонус од 11 милиони долари, што му дава вкупно 76 милиони.
Бонусот на Хамилтон по сезоната во која немаше добри резултати изнесуваше само половина милион долари, па неговата вкупна заработка достигна 70,5 милиони долари.
Третата најголема основна плата ја имаше Шарл Леклер во Ферари, кој доби 30 милиони, но без бонус, па по вкупната заработка беше престигнат од возачите на Мекларен.
Ландо Норис, кој ја освои титулата, вкупно инкасира 57,5 милиони долари – 18 милиони основна плата и 39,5 милиони бонуси.
Оскар Пјастри исто така го престигна Леклер по вкупната заработка со 36,5 милиони долари (10 милиони плата + 27,5 милиони бонуси).
Фернандо Алонсо се најде на шестото место со вкупно 26,5 милиони (24 + 2,5), додека Џорџ Расел следи со 26 милиони (15 + 11).
Ланс Строл и Карлос Саинц имале по 13,5, односно 13 милиони долари вкупно, додека Кими Антонели заврши на десеттото место со 12,5 милиони (5 + 7,5).
Оваа листа јасно покажува колку бонусите можат да значат во Формула 1 и дека основната плата не ја одразува секогаш вкупната заработка на возачите.
Со оглед на промени во тимовите и перформансите во 2025 година, многу возачи со бонусите дополнително го подобрија својот финансиски резултат.
