Претседателот на Барселона, Жоан Лапорта, смета дека Барса е клубот во кој Лионел Меси се чувствува како дома и верува дека ќе успее да го врати Лео, со кого си ги поправиле односите кои им беа заладени преклани, кога Меси беше принуден да си оди.
„Меси ја сака Барса, никој не треба да се сомнева во тоа. Тој во Барса се чувствува како дома. Тој уште е играч на ПСЖ, нека заврши сезоната, па ќе разговараме на мир. Со цела почит кон Саудиска Арабија, но Барса си е Барса, историјата е на наша страна. Ние сме домот на Меси. Саудијците прават одлична работа, многу инвестираат, работат добро, но Барса си е Барса“, вели Лапорта, кој додаде дека клубот ни за Меси нема да даде повеќе пари отколку што може да си дозволи.
Лапорта најави засилувања со кои Барса во следната сезона би се борела со најдобрите и во Лигата на шампионите.
Синоќа фановите на Барса ја славеа 27-мата минута во Ла Лига и испратија порака до раководството на клубот со скандирања „Меси, Меси“:
https://twitter.com/i/status/1658035719472922625
