Фудбалерите на Лацио вечерва во некомплетен состав му гостуваат на Зенит во Лигата на шампионите. Во тимот ги нема Чиро Имобиле, Лукас Леива и Томас Стракоша, кои беа позитивни на корона-вирус, но вчера беа на тренинг. Тие тројца не настапија ни во минатото коло против Бриж, но потоа добија негативни тестови и играа против Торино во Серија А.
УЕФА не дозволи да играат и тоа покрена сомнежи дека уште се заразени, а тоа е голем проблем ако се знае дека „заразени“ играле против Торино. Италијанската федерација го истражува случајот и ако обвинувањата за кршење на протоколите се докажат, Лацио ќе биде жестоко казнет за тоа лажирање на тестовите, му се заканува дури и исфрлање од Серија А, како најдрастична можна мерка.
Ако бидат виновни, Лацијалите ќе може да минат и само со парична казна, но висината на казната ќе зависи од степенот на прекршување на протоколите.
