Интер без многу проблеми ги освои првите три бода во новата сезона во Серија А, откако со 2:0 славеше на „Сан Сиро“ против Монца. Лаутаро Мартинез е херојот на домаќините, постигнувајќи ги двата погодоци.
Само осум минути беа потребни за Лаутаро да погоди за 1:0, а сите дилеми беа решени кога Аргентинецот повторно беше прецизен, овојпат во 76 минута.
Во вториот вечерен дуел, Фиорентина многу лесно со 4:1 победи на гости кај Џенова. Уште по првото полувреме беше јасно дека гостите ќе се радуваат на победа, бидејќи по 45 минути имаа предност од 3:0.
