Лидерот на второлигашката табела, Македонија ЃП, доживеа неочекуван пораз на гостински терен од прилепска Победа со 2-1. „Лавовите“ имаа водство од 0-1, но во вториот дел следуваше комплетен пресврт и значајна победа за прилепчани во борбата за опстанок.
Вистински дебакл доживеа штипска Брегалница, која загуби со 4-0 од Каменица Саса во меч кој се одигра на неутрален терен во Турново. Најголем добитник после 18-тото коло е Башкими од Куманово, екипа која на домашен терен славеше во дербито против Арсими со 2-1 и се искачи на втората позиција на табела.
Македедонија ЃП останува лидер со 41 бод, два повеќе од Башкими и четири плус од Брегалница, во борбата за директен влез во Првата лига, но и за баражот.
Резултати – 18-то коло:
Вардар Н. – Скопје 2-0
Осогово – Кожуф 0-0
Вардарски – Детонит П. 1-4
К. Саса – Брегалница 4-0
Новаци – Борец 1-1
Победа – Македонија ЃП 2-1
Башкими – Арсими 2-1
Охрид – Беласица 2-1
