Селекторот на македонската ракометна репрезентација Кирил Лазаров ги откри првите впечатоци по добивањето на Фарски Острови за ривал во баражот за пласман на Светското пренство кое ќе се игра следната година.
“Добивме квалитетен противник кој со квалитетот на играта направи проблеми на сериозни европски селекции на последното Европското првенство. Имаат огромен напредок во сите ракометни категории во последните три-четири години. Неатрактивна ракометна национална селекција, но многу квалитетна. Имаме време добро да се подготвиме за бараж натпреварот. Очекувам неизвесен дуел на двата натпревари. Имаме подеднакви шанси за пласман на СП 2025”, е коментарот на Лазаров.
