Македонија и Естонија играат нерешено 20:20 на дуелот во „Борис Трајковски“. Нашата репрезентација важеше за голем фаворит пред мечот, но по првите 30 минути не оди според планираното.
Добро започнавме, водевме со 4:1, потоа и со највисоки четири разлика (12:8), но наместо да имаме сигурна предност на полувреме, противникот заигра многу подобро посебно во нападот.
Пред крајот на првиот дел, селекторот Кирил Лазаров побара тајм-аут на кој на ракометарите им потенцираше дека никако не смееле да дозволат да примат толку многу голови во првото полувреме и тоа на свој терен.
