Детроит пистонс на свој терен загуби од Лос Анџелес лејкерс со 115:121 во меч кој ќе се памти поради неспортскиот потег на Леброн Џејмс. Во третата четвртина по изведување на едно слободно фрлање, Џејмс со лакт го удри Ајзеа Стујард и буквално го раскрвари.
Крв почна да тече по целото лице на играчот на Деторит, а тогаш Стујард збесна. Сакаше да се тепа со Леброн, а на теренот се случи општ хаос. Малку фалеше да има масовна тепачка, но благодарене на луѓето од обезбедувањето, беше избегнат поголем инцидент.
The Lakers and Pistons had to be separated multiple times after this play between LeBron and Isaiah Stewart. pic.twitter.com/im0o7fXeoI
— SportsCenter (@SportsCenter) November 22, 2021
Во моментот на инцидентот, Деторит водеше со 78:66, а судиите потоа го исклучија Леброн. Ова е само второ исклучување за Џејмс во 19-годишната НБА-кариера.
Домаќините во последната четвртина влегоа со 15 поени предност, но Лејкерс и без Кралот успеа да одигра одлично во последната четвртина и направи голем пресврт. Лејкерс ја доби последната четвртина со 37-17 и стигна до победа, вкупно деветта во 18-тиот меч.
Детроит остана само на четири триумфи од 16 меча. Ентони Дејвис со 30 поени и 10 скока, како и Расел Вестбрук со 26 поени беа најзаслужни за победата на гостите. Кај Детроит одличен беше првиот пик на драфтот за оваа сезона, 20-годишниот Кејд Кунингам го оствари првиот трипл-дабл со 13 поени, 12 скока и 10 асистенции и со тоа стана најмладиот играч во историјата на Пистонс со ваков учинок.
Резултати на останатите мечеви одиграни ноќеска во НБА: ЛА клиперс – Далас 97:91, Чикаго булс – Њујорк 109:103, Феникс – Денвер 126:97, Голден стејт – Торонто 119:104.
