Леброн Џејмс, мегаѕвездата на ЛА лејкерс, денеска го прославува својот 36-ти роденден, неговиот тим гостува во Сан Антонио, а иако веќе е ветеран кој би требало да е при крајот на кариерата, има 18 сезони зад себе, Џејмс и понатаму е еден од најдобрите кошаркари на светот и вистински Крал кога станува збор за настапи во плејофот.
Леброн има четири титули во НБА, и тоа со три различни екипи, четирипати беше МВП на финалето, тој е 16-кратен олстар и поради константноста, за многумина е најдобар кошаркар во историјата.
Вечерва против Сан Антонио, Џејмс има шанса по илјадити пат да даде двоцифрен број поени на натпревар од регуларната сезона.
