Лос Анџелес лејкерс го претрпе првиот пораз во новата сезона откако на гостувањето кај Феникс санс загуби со 109:105. Лејкерси водеа со седум разлика на крајот од третата четвртина, но Феникс одигра одлично во решавачката четвртина и на крајот направи пресврт.
До самиот финиш беше неизвесно, а на шест секунди до крајот Леброн Џејмс беше на линијата за слободни фрлања. При негатива од 107:105, Џејмс реши намерно да го промаши вториот шут од линијата за слободни фрлања и неговите соиграчи да имаат шанса да направат офанзивен скок.
Сепак, Џејмс многу остро и многу ниско го удри баскетот во предниот обрач и домашните играчи на Феникс ја собраа топката, па на крајот се радуваа на победа.
