Леброн Џејмс имаше историски меч во НБА лигата, кој не успеа да го круниса и со победа на Лос Анџелес лејкерс. Тимот од ЛА водеше во речиси целиот меч на гостувањето кај Вашингтон, но на крајот загуби со 127:119.
На „Кралот“ Џејмс му беа потребни 19 поени за да го надмине Карл Мелоун на второто место на вечната листа на стрелци, а ѕвездата на Лејкерс постигна двојно повеќе, точно 38 поени, со 10 скокови и шест асистенции.
Ovación para LeBron James en Washington: Superó a Karl Malone (36,928), y se convirtió en el segundo máximo anotador en toda la historia de la NBA.
¿Su próxima víctima? Kareem Abdul Jabbar (38,387) #NBA75 pic.twitter.com/6QZZ7wh8ic
— NBA en español (@NBAenespanol) March 20, 2022
Во кариерата која му трае 19 години, Леброн досега постигна 36.947 поени и пред него е само легендарниот Карим Абдул Џабар. За да го стигне Џабар, Џејмс треба да постигне уште 1.440 поени, а доколку продолжи да погодува со просек како што тоа го прави оваа сезона, ќе му бидат потребни 48 мечеви. Тоа значи дека доколку Леброн нема некоја посериозна повреда, веќе следната сезона можеме да бидеме сведоци на неверојатно постигнување и да го имаме новиот најдобар стрелец во историјата на НБА лигата.
Резултати: Шарлот – Далас 129:108, Кливленд – Детроит 113:109, Вашингтон – ЛА лејкерс 127:119, Минесота – Милвоки 138:119.
