Њујорк никс го победија Лос Анџелес лејкерс во меч кој беше неизвесен до самиот крај. По многу неизвесност во „Медисон Сквер Гарден“, последниот напад беше решавачки. Њујорк водеше со 124:123, а во напад беше Лејкерс.
Очекувано, топката беше кај Леброн Џејмс, кој бараше изолација и игра еден на еден со Марио Хезоња. Низ блескавата кариера, Џејмс на ваков начин решавал многу натпревари. Сепак, дека веќе не е исто како порано, Џејмс почувствува во дуелот со Хезоња.
Хрватот одлично го чуваше и на крајот успеа да го изблокира Џејмс, а Њујорк се израдува на победата. На Леброн џабе му беа 33 поени, осум асистенции и шест скока.
HEZONJA BLOCKS LEBRON TO WIN pic.twitter.com/g2sxUFomR9
— Bleacher Report (@BleacherReport) March 17, 2019
