Некогашниот напаѓач на Манчестер сити, Тревор Синклер (48), смета дека Граѓаните треба да бидат задоволни што Кристијано Роналдо замина во Манчестер јунајтед, а не ви нивниот клуб.
Според Синклер, проблемот на Црвените ѓаволи е што со Роналдо во составот, се кочи развојот на младите.
„Почнувам да мислам дека Сити треба да биде задоволен што не потпиша со Кристијано Роналдо. Сезонава играчи како Санчо и Рашфорд се обидуваат да направат нешто, но целата игра се врти околу Роналдо, а тој не е во врвна форма. Тој е виновен за слабите изданија на останатите. Кристијано скапо ги чини, не само заради немањето голови од него во последно време. Тој ги принуди Солскјер и Карик да си заминат“ – изјави Синклер.
Според Синклер, Роналдо не преминал во Сити затоа што таму не би бил главен.
„Во Јунајтед тој знаеше кој е тренер и знаеше дека ќе биде поважен од него, а тоа не е добро за еден тим и клуб. Во Сити главен е Гвардиола, таму Роналдо ќе беше втор, и затоа не замина таму“ – смета Синклер.
