Прославениот англиски фудбалски стручњак, Хари Реднап, од 2017 година е во пензија, а иако има 73 години, уште добива примамливи понуди за работа, последната од федерацијата на Нигерија, за преземање на нивната репрезентација.
Реднап кој во кариерата има водено повеќе англиски клубови како Тотенхем, Вест Хем, Портсмут и Бирмингем, наводно прифатил да биде селектор на Нигерија. Актуелен селектор на Супер Орлите е Гернот Рор, но наското му истекува договорот и нема да му биде продолжен. Инаку, Нигеријците и во 2016 година му нуделе селекторско место на Реднап, кој има работено само со клубови, никогаш со селекции.
Во 2012 година, Реднап беше блиску до местото селектор на Англија, но сепак тогаш позицијата му беше доделена на Рој Хоџсон. Има голем број Нигеријци кои играле или играат во Премиерлигата, оваа селекција има играно пријателски мечеви во Лондон, па ако прифати, Реднап не би имал задача со толку непознаници и ќе може од дома да ја следи формата на некои од ѕвездите.
