За време на преносот од натпреварот Тетекс – Овче поле од Првата македонска машка кошаркарска лига, коментаторот Чеде Јанчески, во првата четвртина имаше легендарен коментар кој стана хит на социјалните мрежи.
Тетекс синоќа ја извојува својата седма победа по ред, а коментаторот беше следниот: „Да имаше некој навивач на екипата на Тетекс како оној на Манчестер јунајтед, сега ќе беше потшишан“.
Чеде мислеше на Англичанецот Френк, кој стана познат во светот по ветувањето дека нема да се шиша додека неговиот омилен тим Манчестер јунајтед, не направи серија од пет победи едноподруго.
